Rættarnevndin viðger fleiri mál í dag

Nýggja lógin um Kærustovnin verður viðgjørd á fundinum hjá Rættarnevndini hjá løgtinginum í dag.

Nógvar innkallingar eru gjørdar, millum annað tveir landsstýrismenn, Magnus Rasmussen og Kaj Leo Holm Johannesen, og løgmaður hava fingið fundarboð.

Uppskotið um møguleikarnar hjá útlendingum at keypa fastogn í Føroyum er eisini á skránni fyri fundin í dag.

Uppskotini hjá Javnaðarflokkinum um frítíð við løn og um almennan lønarstiga og ársfrágreiðingin hjá Løgtingsins umboðsmanni fyri árið 2020 skulu eisini viðgerast á fundinum hjá Rættarnevndini í dag.