Samráðast um minnilutastjórn í Noregi

Arbeiðaraflokkurin og Senterflokkurin í Noregi hava gjørt av at fara undir samráðingar um at skipa eina minnilutastjórn.

Tað boðaðu formenninir í flokkunum, Jonas Gahr Støre og Trygve Slagsvold Vedum, frá í gjárkvøldið.

Tað hendir eftir at Sosialistiski Vinstriflokkurin tók seg burturúr samráðingunum í gjár.

SV vil ikki

- Vit royndu at fáa eina samgongu saman við Sosialistiska Vinstraflokkinum, fyri at fáa eitt tryggari grundarlag, men tað vil SV ikki, og tí eru samgongusamráðingarnar við SV lidnar, sigur Jonas Gahr Støre.

Samráðingarnar millum Arbeiðaraflokkin og Senterflokkin um at skipa stjórn byrjaðu í gjárkvøldið, og halda fram í dag, skrivar NRK.

Senterflokkurin hevur frá byrjan víst á, at flokkurin er ikki sinnaður at fara í samgongu við Sosialistiska Vinstraflokkin, og hevur mælt til, at bara Arbeiðaraflokkurin og Senterflokkurin vera í nýggju stjórnini.

Audunn Lysbakken