Kurz hevur lagt frá sær

Kurz hevur lagt frá sær
Í Eysturríki hevur forsætisráðharrin, Sebastian Kurz, lagt frá sær. Uttanríkisráðharrin, Alexander Schallenberg, tekur við.
 
10.10.2021 - 11:51

Kinkur kom í stjórnarsamstarvið mikudagin, tá ið løgreglan framdi húsarannsóknir á skrivstovuni hjá forsætisráðharranum og á skrivstovunum hjá konservativa ØVP-flokkinum.

Sterkur illgruni er um, at flokkurin hevur brúkt pengar hjá fíggjarmálaráðnum, okkurt um átta milliónir krónur, til at rinda fyri tilsnikkaðar meiningakanningar, sum hava verið til fyrimuns fyri Kurz.

Eisini hevur hann keypt sær stórar lýsingargreinar og umrøðu í tíðindabløðum, sum er at rokna sum falstíðindi.

- Tjóðin hevur størri týdning enn eg sjálvur. Okkum tørvar støðug politisk viðurskifti, og tí leggi eg frá mær, segði Sebastian Kurz á tíðindafundi í gjár.

Vildu reisa misálit

Andstøðuflokkarnir høvdu fyrireikað at reist misálit á forsætisráðharran, sum eftir ætlan skuldi viðgerast týsdagin.

Hin stjórnarflokkurin, Tey Grønu, hava eisini heitt á forsætisráðharrin um at leggja frá sær.

Uttanríkisráðharrin, Alexander Schallenberg, tekur við sum forsætisráðharri.

Sebastian Kurz heldur fram sum floksformaður og tingmaður.

Enn ein gøla

Hetta er ikki fyrstu ferð, at gølur skaka eysturrískan politikk.

Í 2019 varð varakanslarin hjá Kurz, Heinz-Christian Strache, avdúkaður fyri mutur.

Der Spiegel og Suddeutsche Zeitung almannakunngjørdu tá videoupptøkur, har hann bjóðaði einum russiskum ríkmanni almennar sáttmálar aftur fyri politiskan stuðul.

Sebastian Kurz skrivaði tá út val, og Heinz-Christian Strache gavst í politikki.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592