Noreg fingið nýggja stjórn

Noreg hevur fingið nýggja stjórn.

Fyrrapartin var Jonas Gahr Støre, forsætisráðharri, hjá Haraldi kongi við nýggju stjórnini, sum Arbeiðaraflokkurin og Senterflokkurin hava skipað.

Talan er um eina minnilutastjórn, sum noyðist at leita sær stuðul í stórtinginum.

19 ráðharrar eru í stjórnini. Arbeiðaraflokkurin hevur 11 og Senterflokkurin átta.

Formaðurin í Senterflokkinum, Trygve Slagsvold Vedum, er fíggjarmálaráðharri.

Anniken Huitfeldt í Arbeiðaraflokkinum er uttanríkisráðharri, og Bjørnar Skjæran í Arbeiðaraflokkinum er fiskimálaráðharri. 

Nýggj stjórn í Noregi, Noreg, Jonas Gahr Støre

19 ráðharrar eru í nýggju stjórnini hjá Jonas Gahr Støre, forsætisráðharra. (Mynd: RitzauScanpix)