ÍF flytur niður saman við TB

ÍF noyðist ta tungu leið niður í 1. deild næsta ár. 

Tað er greitt eftir at ÍF í dag tapti 5-2 móti NSÍ á heimavølli í Fløtugerði í Fuglafirði. 

Tá B68 samstundis vann sera sannførandi 6-1 móti TB á Svangaskarði, so var niðurflytingin hjá ÍF ein veruleiki. 

Stríddust manniliga

ÍF-leikararnir stríddust annars manniliga, og tað stóð á jøvnum 2-2 heilt inntil tað restaðu fimm minuttir av dystinum. Men so skrædnaði hjá fuglfirðingum. 

Málini hjá NSÍ skoraðu Klæmint Andrasson Olsen, ið gjørdi tvey, og Jørgen Nielsen, Aron Knudsen og Jakob Trenskov tvey. 

Málini hjá ÍF skoraðu Tóri Nolsøe Olsen og Emil Weihe Joensen. 

Úrslitini í hindum dystunum í dag vóru. 

B68 vann 6-1 móti TB á Svangaskarði á Toftum.

HB vann 5-0 á 07Vestur á Dugnasandi í Sørvági.

Og føroyameistararnir úr KÍ vunnu 2-1 á EB/Streymi í Djúpumýru í Klaksvík.