Jóhanna svenskur meistari

Jóhanna Fossdalsá Sørensen er vorðin svenskur meistari í fótbólti við BK Häcken.

Häcken tryggjaði sær í gjárkvøldið svenska meistaraheitið í kvinnufótbólti við einum sannførandi 4-1 sigri á Kristianstad á heimavølli í Göteborg.

Tað skrivar svenska blaðið Expressen.

Longu eftir 14 minuttir var Häcken á odda 3-0, og tá dysturin var liðugur, kundu spælararnir hátíðarhalda meistaraheitið.

Jóhanna Fossdalsá hevur drigist við krossbandsskaða í eitt ár, men hevur spælt við seinastu dystirnar. Í gjár bleiv hon skift inn í endanum av dystinum.

Hetta er annað árið á rað, at BK Häcken vinnur svenska meistaraheitið.