Innsavningartiltakið í sjónvarpinum útsett

Stóra innsavningartiltakið, sum felagsskapirnir KRIS og Sinnisbati í felag skuldu hava í sjónvarpinum í annaðkvøld, er útsett.

Orsøkin er, at koronusmitta er staðfest í toyminum, sum skuldi framleiða sendingina.

- Nógv eru til arbeiðis eitt tílíkt kvøld: vertir, kamerafólk, ljóðfólk, teknikarar, telefonfólk v.m., umframt gestir og tónleikarar. Tískil meta KRIS og Sinnisbati tað vera skilabest at binda um heilan fingur, so vit ikki breiða smittuna, sigur Sinnisbati í einum tíðindaskrivi í dag.

Sjónvarpssendingin er tí fyribils útsett til næsta leygarkvøld, 6. november.