Korona: Sjúkrahúsini seta tiltøk í verk

Nógva koronusmittan hevur nú við sær, at tiltøk verða sett í verk á teimum trimum sjúkrahúsunum.

Millum annað verða avmarkingar gjørdar í planløgdum skurðviðgerðum, og frameftir verða øll, ið hava ørindi á sjúkrahúsunum, biðin um at vera í masku.

Avgerð er tikin um at avmarka skurðviðgerðir á øllum trimum sjúkrahúsunum. Endamálið er at fáa fleiri seingjarpláss og starvsfólk at taka sær av sjúklingum við koronu.

Hetta merkir, at alt planlagt skurðvirksemi, ið ikki er akutt,  og sum krevur seingjarpláss,  verður útsett. Dagskurðviðgerðir halda tó fram sum vanligt.

Sí tíðindaskriv frá Sjúkrahúsverkinum her.