Belgia átalar korrupsjón í Kongo

bannari
23.11.2021 - 08:44
AktueltÚtheimurin
Belgia átalar korrupsjón í Kongo
Demokratiska Lýðveldið Kongo er fyrrverandi belgiskt hjáland
Alexander De Croo, forsætisráðharri í Belgia, talar at viðurskiftunum í fyrrverandi hjálandinum, sum nú eitur Demokratiska Lýðveldið Kongo.
 

Í Belgia hevur forsætisráðharrin, Alexander De Croo, átalað tað, sum er komið fram um viðurskiftini í Demokratiska Lýðveldinum Kongo.

Korrupsjón kann undir ongum umstøðum góðtakast, sigur belgiski forsætisráðharrin.

- Í hesum føri eru tað eisini tey veikastu, sum mugu svíða fyri tað, sigur hann við belgiska De Standaard.

Dátuleki

Fyrr í ár fekk felagskapurin PPLAAF fatur í rúgvismiklum dátuleka, tann størsti higartil á afrikanska meginlandinum, úr afrikanska BGFI-bankanum.

Har verður avdúkað, at fyrrverandi forsetin í Kongo, Joseph Kabila, hevur saman við vinum og skyldfólki brúkt fólksins pengar at byggja sær sítt egna handilsveldið.

De Croo var menningarmálaráðharri frá 2014 til 2020. Tá átalaði hann eisini javnan viðurskiftini í Kongo.

Tað ringasta er at ræna

Verandi menningarmálaráðharri í Belgia, Meryame Kitir, hevur eisini átalað fyrrverandi forsetan í Kongo.

- Tað ringasta, sum ein stjórn kann gera, er at ræna pengar úr ríkiskassanum. Vit vilja gera okkara fyri at stuðla nýggju stjórnini í at steðga korrupsjónini, sigur hann við De Standaard.

Demokratiska Lýðveldið Kongo er fyrrverandi belgiskt hjáland.

Belgia sendi Kongo 87 milliónir evrur í menningarhjálp í fjør.

LES MEIRA UM VIÐURSKIFTINI MILLUM BELGIA OG DEMOKRATISKA LÝÐVELDIÐ KONGO HER.

Er kopiera
Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574