![](https://www.uf.fo/sites/default/files/styles/myndasavn-width/public/h712.jpg?itok=BN4U3bBg)
- Tíðindi, mentan og ítróttur
H71 skal til Serbia
![](https://kvf.fo/sites/default/files/styles/grein-ovasta-mynd/public/h71_kvinnur_5_red.jpg?itok=ciNW90vk)
H71-kvinnurnar skal spæla móti serbiska liðnum ZRK Naisa Nis í áttandapartsfinaluni í EHF-kappingini.
Lutakastið var fyrrapartin.
H71 væntar sær ein harðan dyst. Á heimasíðuni skrivar felagið:
"Uttan iva man tað vera harðasta mótstøðan higartil í EHF Europa Cup-kappingini, ið bíðar H71 í áttandapartsfinaluni, tí serbiska mótstøðuliðið kann væntast at vera eitt stig sterkari enn Spono Eagles og sjálvandi fleiri stig sterkari enn WHC Cair."
Í løtuni liggur ZRK Naisa Nis á einum fjórða plássi í serbisku kappingini, sum telist millum tær frægu í Evropa.
H71 skrivar á heimasíðuni, at felagið fer at royna enn einaferð at fáa báðar dystirnar spældar í Føroyum.
Annars eigur ZRK Naisa Nis heimadyst 8. ella 9. januar, og H71 eigur heimadyst 15. ella 16. januar.