Nýggj stjórn skipað í Týsklandi

24.11.2021 - 15:08
AktueltÚtheimurin
Nýggj stjórn skipað í Týsklandi
Olaf Scholz úr SPD verður nýggjur samveldiskanslari, og verður væntandi valdur fyrst í desember
Tríggir flokkar mynda nýggju stjórnina í Týsklandi, SPD, Tey grønu og Fríu demokratarnir.
Mynd: RitzauScanpix  
 

Tveir mánaðir eftir týska valið er nýggj stjórn nú loksins skipað í Týsklandi við sosialdemokratinum, Olafi Sholz, sum samveldiskanslara. 

Hann tekur við eftir Angelu Merkel.

Nýggja stjórnin varð kunngjørd fyri løtu síðani.

Teir tríggir flokkarnir í stjórini eru sosialdemokratiski flokkurin, SPD, Tey Grønu og Fríu demokratarnir.

Men áðrenn stjórnin fer til verka, skal stjórnaravtalan góðkennast í baklandinum hjá teimum trimum flokkunum.

Valdur fyrst í desember

Síðani verður Olaf Sholz væntandi valdur til nýggjan samveldiskanslara í týska parlamentinum, Bundestag, og tað verður fyrst í desember.

Í stjórnaravtaluni stendur í smálutum, hvørja kós teir tríggir flokkarnir seta fyri Týsklandi.

Stjórnin fer av álvara at seta ferð á grøna orkuskiftið, m.a. við at gevast at brúka kol longu fyri 2030. 

Eisini skal almenni geirin talgildast, minstalønin skal hækka, og hassj skal gerast lógligt í Týsklandi.


Olaf Scholz verður nýggjur samveldiskanslari í Týsklandi. (Mynd:RitzauScanpix)
Er kopiera
Nýggjastu sendingar í ÚV
Sunnudag 25. september
Meg minnist - Henrik Old (4:5)
145273
Sunnudag 25. september
Bolero: Konsertstykki úr 20. øld
145268
Sunnudag 25. september
Guðstænasta í Christianskirkjuni
145267
Sunnudag 25. september
Credo: Fløskubarn
145210
Leygardag 24. september
Brunsj við Oddbjørg Johansen
145259
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955