Partrolarar hava vánaligt fiskarí

Tvey frystilínuskip eru undir Íslandi og fýra undir Føroyum í løtuni, skrivar Fiskamarknaðurin.

Hini línuskipini eru inni.

Báðir djúpvatnstrolararnir liggja, og tað gera trolbátarnir eisini. Væntandi fer onkur tó avstað, tá veðrið batnar.

Um partrolarar verður sagt, at fýra pør fiska. Fiskaríið hjá teimum er vánaligt. 

Eitt garnaskip fiskar svartkalva og tvey fiska havtasku.

Um útróður verður sagt, at streymurin harðnar sum líður á vikuna. 

Veðrið er heldur ikki av tí besta, so útlitini fyri útróðri eru ikki góð nú í vikuni.