Sjey milliónir aftrat til farsóttartilbúgving

Sjey milliónir krónur aftrat skulu latast til farsóttartilbúgvingina eftir at korona fór at gera um seg aftur í heyst. 

Fíggjarnevndin tekur undir við uppskotinum um eykajáttan hjá landsstýrinum.

Seks milliónir fara til sóttarhaldsstøð, tvær millionir til kanningar og til at avmarka smittuna, tvær milliónir til læknar, ráðgeva og lýsingar um koppseting, og tríggjar milliónir krónur fara til Løgmansskrivstovuna, TAKS og Arbeiðseftirlitið.

Harafturat skulu brúkast tvær milliónir krónur til at kanna fólk, sum koma til Føroya. 

Talan er tí um sjey milliónir afturat teimum átta, sum higartil eru játtaðar.