Fiskiskapurin næstu vikuna

Útlitini fyri útróðri eru ikki av teimum bestu. Streymurin er harður, men batnar sum vikan líður. 

Veðrið verður umskiftandi, men Fiskamarknaðurin metir, at nakað av útróðri verður kortini. Bátarnir fáa mest av hýsu og so nakað av toski.

Annar djúpvatnstrolarin fiskar svartkalva, - hin liggur við bryggju. 

Hjá partrolarum eru fimm pør til fiskiskap. Tey fiska upsa og so nakað av hjáveiðu, men fiskiskapurin er vánaligur. Eitt par fiskar sild.

Seks trolbátar fiska havtasku, men teir fáa lítið. 

Eitt garnaskip fiskar svartkalva, og fiskiskapurin er vánaligur, og eitt fiskar havtasku, og hjá teimum er fiskiskapurin brúkiligur, skrivar Fiskamarknaðurin í meting fyri næstu viku.