Drotningin avlýsir tiltøk

Koronastøðan í Danmark hevur nú við sær, at Margreta drotning avlýsir bæði nýggjárstaffel og nýggjársmóttøkur.

Tað skrivar Kongshúsið á heimasíðuni.

Árliga nýggjárstaffel-borðhaldið er vanliga á skránni nýggjársdag. 

Tað er eitt stórfingið borðhald fyri stjórnini, formanninum í Fólkatinginum, hovinum og umboð fyri "almenna Danmark".  

Fyrst í januar er siðvenja, at drotningin skipar fyri ymiskum nýggjársmóttøkum, sokallaðum nýggjárs-kurum. 

Tað er ofta fyri Hægstarætti, gardunum, verjuni og eisini øðrum størri stovnum. 

Øll hesi tiltøkini eru nú avlýst orsakað av koronu.