27.500 løntakarar

Tað eru stívliga 300 fleiri løntakarar í november í ár í mun til í fjør. 

Ein greining hjá Hagstovuni vísir, at tað vóru 27.500 løntakarar í november, og tað svarar til ein vøkstur upp á 1,2 prosent. 

Í november vóru um 14.150 menn og 13.350 kvinnur í løntakaraskaranum. Tað er nærum 150 fleiri menn og knappliga 200 fleiri kvinnur enn sama mánað í fjør.

Fleiri privatir løntakarar

Løntakarararnir í 'privatu tænastuvinnunum' eru nú fleiri, enn teir vóru, áðrenn koronufarsóttin rakti. Hinvegin er vøksturin í 'almennari tænastu' uppsteðgaður. Í byggivinnuni minkar løntakaratalið. 

Gongdin í løntakaratalinum er tó rímiliga støðug. Seinastu mongu mánaðirnar er einasta stóra sveiggið, í apríl mánaði í fjør, tá ið landið fór niður í ferð.

Tað skrivar Hagstovan á sínari heimasíðu.