Kend býarmynd í Havn verður dagførd

Hotel Hafnia verður stongt næstu mánaðirnar vegna umvælingar. 

Tað sigur Pætur Trónd Thomsen, stjóri.

Øll kømrini verða dagførd, og bygningurin sjálvur skal eisini umvælast og dagførast.

Green Key góðkenning

Ætlanin er, at tá Hafnia letur uppaftur, skal tað eisini fáa eina sonevnda Green Key góðkenning.

Green Key góðkenningin er ein viðurkenning fyri burðardygd og endurnýtslu í ferðavinnuni.

Virksemið flutt í Hotel Brandan

Meðan Hotel Hafnia verður umvælt, flytur alt virksemið á Hotel Brandan, sigur Pætur Trónd Thomsen.

Væntandi letur Hafnia upp aftur um mánaðarskiftið mars/apríl.