- Tíðindi, mentan og ítróttur
Kendur filmsleikstjóri deyður
Kendur filmsleikstjóri deyður
Kanadiski Jean-Marc Vallée, sum hevur leikstjórnað "Big Little Lies" og "Dallas Buyers Club", er deyður, 58 ára gamal
Jean-Marc Vallée bleiv einans 58 ára gamal
Mynd: Scanpix
27.12.2021 - 11:50
Altjóða miðlar skriva, at Jean-Marc Vallée var funnið deyður í heimi sínum við Quebec í Kanada.
Deyðsorsøkin er ókend enn, men tað verður sagt, at hann doyði brádliga.
Jean-Marc Vallée bleiv einans 58 ára gamal.
Royndi at gera tingini øðrvísi
Í einum tíðindaskrivi setir hansara vinmaður og fasti framleiðari, Nathan Ross, orð á sína sorg.
"Jean-Marc umboðaði skapanargleðina, tað ektaða, og royndina at gera tingini upp á ein øðrvísi máta. Hann var ein sannur listamaður og ein sera blíður og elskuligur maður. Hann var ein vinur, ein skapandi samstarvsfelagi og ein stóribeiggi hjá mær."
Saman skaptu Jean-Marc Vallée og Nathan Ross eitt nú filmin "Dallas Buyers Club" og sjónvarpsrøðirnar "Big Little Lies" og "Sharp Objects"
.Jean-Marc Vallée fekk nógvar heiðurslønir í sínum lívi, og millum annað bleiv "Dallas Buyers Club" tilnevndur til ein Oscar.
Eftir Jean-Marc Vallée sita tveir synir og trý systkin.
Er kopiera
Nýggjastu sendingar í ÚV
Nýggjastu sendingar í SV
