Desmond Tutu til jarðar í dag

Fyrrverandi suðurafrikanski biskupurin, Desmond Tutu fór til gravar í suðurafrikanska býnum, Cape Town, í dag 1. januar. 

Desmond Tutu doyði annan jóladag 90 ára gamal, og í Suðurafrika hevur verið landasorg seinastu vikuna eftir andlátið.

Desmond Tutu hevur sjálvur ynskt, at hann skal jarðast í einari bíligari trækistu við nelikum sum børubukett.

Hetta er triðju ferð, at Suðurafrika jarðar ein av teimum, sum fingu Nobel virðisløn fyri at fáa landið upp á rætt kjøl aftur eftir apartheid. Í november í fjør jarðaðu tey fyrrverandi forsetan, Frederik Willem de Klerk, og í desember 2013 jarðau tey Nelson Mandela.