Jerv avlýst keypið av Sonna Ragnari Nattestad

Norska fótbóltsfelagið Jerv í Grimstad, sum spælir í bestu norsku deildini, hevur avlýst ætlaða keypið av føroyska landsliðsmiðverjanum Sonna Ragnari Nattestad. 

Jerv boðaði annars í gjár frá, at felagið fór at skriva ein tvey ára sáttmála við 27 ára gamla Sonna Ragnar Nattestad. Hetta var treytað av, at læknakanningin av Sonna Ragnar Nattestad ikki vísti nakað óvanligt. 

>>SÍ GREININA: VELKOMMEN TIL JERV, SONNI

Men bara nakrar fáar tímar seinni kunngjørdi Jerv á heimasíðuni, at felagið hevði avlýst ætlaða keypið av føroyska landsliðsleikaranum. 

Orsøkin var ikki, at læknakanningin vísti nakað óvanligt, men hinvegin, at Sonni Ragnar Nattestad hevur verið blandaður upp í eitt mál, sum Jerv ikki kann standa innfyri ella vera sett í samband við. 

>>SÍ GREININA: AVBRYTER KONTRAKTSINNGÅELSE

Jerv harmast um, at felagið ikki hevur gjøt sítt kanningararbeiði nóg gjølla, áðrenn felagið kunngjørdi ætlanini at skriva sáttmála við Sonna Ragnar Nattestad. 

FK Jerv sigur eisini í greinini á heimasíðuni, at bæði felagið og venjarin, Arne Sanstø, eru sinnaðir at viðmerkja hendingina fyrrapartin. 

Soleiðis ljóðar fráboðanin frá Jerv:

AVBRYTER KONTRAKTSINNGÅELSE

FK Jerv og Sonni Nattestad har i dag besluttet å avbryte den annonserte kontraktsinngåelsen. Bakgrunnen er en sak spilleren har vært innblandet i, og som vi burde hatt kjennskap til. Saken Nattestad var involvert i er ikke noe vi som klubb kan stå inne for eller assosieres med. FK Jerv vil beklage til alle berørte at vi ikke gjorde en god nok jobb i forkant av signeringen.
 
FK Jerv og Arne Sandstø vil være tilgjengelig for kommentarer i morgen formiddag.

FO-DK, landsliðið