Fyri landsrættin í februar

Í februar skal Landsrætturin viðgera málið, um hvat hendi, tá ein 16 ára gomul genta bleiv funnin deyð við byrgingina til Hvannasunds í november 2012.

Tvær vikur eru settar av. Málið verður viðgjørt í tveimum umførum, frá 14. til 18 februar, og aftur frá 21. til 25. februar.

26 ára gamli maðurin, sum var ákærdur fyri dráp, var fríkendur í Føroya rætti tann 7. juli í fjør.

Ákæruvaldið ákærdi mannin fyri um náttina 20. november 2012 at hava dripið 16 ára gomlu Mariu Fuglø Christiansen.

Fríkendur í nevnngatingi

Niðurstøðan hjá einum einmæltum nevningartingi var, at neyðugu prógvini vóru ikki løgd fram um, at maðurin hevði dripið gentuna.

Í dóminum var dentur serliga lagdur á, at einki læknaligt prógv er fyri, at nakað revsivert er farið fram.

Ákæruvaldið kærdi frídømingina.

Og í februar kemur málið so fyri í Landsrættinum.