Fakfeløg ónøgd: Jørgen skal ikki áseta lønarkarmin hjá øðrum

Fakfeløgini eru ónøgd við útmeldingina hjá Jørgeni Niclasen, landsstýrismanni í fíggjarmmálum, um at karmurin nú er lagdur fyri lønarsamráðingarnar við onnur fakfeløg á almenna arbeiðsmarknaðinum.

Óluva í Gong, forkvinna í felagnum Føroyskir sjúkrarøktarfrøðingar, er ein teirra.

Tá sáttmálin við Starvsfelagið var undirskrivaður í gjár, segði Jørgen Niclasen soleiðis um sokallaða karmin, sum er lønarmarkið fyri, hvat onnur fakfeløg kunnnu vænta sær:

Jógvan Philbrow, formaður í Pedagogfelagnum, sigur, at tá teirra sáttmáli við Fíggjarmálaráðið gongur út um hálvannað ár, er karmurin, ella ovasta lønarmarkið, sum sambært Jørgeni Niclasen var sett í gjár, ikki aktuelt longur.
 
Óluva í Gong, forkvinna í felagnum Føroyskir sjúkrarøktarfrøðingar, heldur lítið um útsøgnina hjá landsstýrismanninum. Sáttmálin hjá sjúkrarøktarfrøðingunum fer úr gildi um eitt lítið ár:

Føroya lærarafelag hevur sáttmála við Fíggjarmálaráðið, sum gongur út í oktober í ár.

Jákup Eli Olsen, formaður, sigur í stuttari viðmerking, at Føroya lærarafelag hevur síni krøv, og fer til samráðingar, sama hvat Jørgen Niclasen sigur. Hann hevur virðing fyri, at landsstýrismaðurin ansar eftir felagskassanum, men Føroya lærarafelag hevur frían samráðingarrætt, Jákup Eli Olsen.