Lítil útróður í vikuni

Væntandi verður ikki nógvur útróður nú í vikuni, skrivar Fiskamarknaðurin.

Streymurin er harður og veðrið umskiftiligt.

Trý ísfiskalínuskip og fimm frystilínuskip eru undir Føroyum.

Tvey frystilínuskip eru við Ísland. Ein djúpvatnstrolari fiskar eystanfyri.

Um partrolarar verður sagt, at fýra pør eru úti. Fiskiskapurin hjá teimum er ikki góður.

Allir trolbátarnir liggja.

Eitt garnaskip er norðanfyri og fiskar svartkalva, og eitt er sunnanfyri og fiskar havtasku. Fiskaríið hjá teimum er brúkiligt, sigur Fiskamarknaðurin.