Góður streymur, men keðiligt veður

Øll ísfiskalínuskipini liggja.

Fimm frystilínuskip eru undir Føroyum og trý við Ísland, sigur Fiskamarknaðurin um fiskiskapin í hesari vikuni.

Hóast streymurin verður góður, væntar Fiskamarknaðurin ikki nógvan útróður í vikuni, tí veðrið er so ringt.

Ein djúpvatnstrolari og fimm pør eru eystanfyri. Fiskiskapurin hjá partrolarunum er ikki góður.

Allir trolbátar liggja.

Eitt garnaskip er norðanfyri og fiskar svartkalva, og eitt er sunnanfyri og fiskar havtasku.

Fiskaríið hjá teimum er brúkiligt.