Undantaksstøða í Ottawa

Undantaksstøða í Ottawa
"Freedom Convoy"-mótmælið hjá kanadiskum lastbilførarum fær nú borgarstjóran í býnum Ottawa at lýsa býin í undantaksstøðu
Miðbýurin í Ottawa er lagdur lamin, tí lastbilar og tjøld forða fyri allari koyring í miðbýnum.
Mynd: Ritzau / Scanpix  
 
07.02.2022 - 12:02

Borgarstjórin í kanadiska býnum Ottawa hevur nú lýst býin í undantaksstøðu. 

Orsøkin er mótmæliskoyringin hjá lastbilførarum, sum nú hevur vart í eina viku. 

Endamálið við mótmæliskoyringini, sum verður nevnd "Freedom Convoy", er at fáa strikað kravið um, at allir lastbilførarar skulu vera liðugt koppsettir fyri at koyra um markið millum Kanada og USA.

 

Ikki tamarhald á støðuni

Jim Watson, borgarstjóri í Ottawa, sigur, at tamarhald ikki longur er á støðuni í býnum, nú fleiri mótmælisfólk leggjast afturat. Og at mótmælisfólki nú eru fleiri enn løgreglufólkini.

Miðbýurin í Ottawa er lagdur lamin, tí lastbilar og tjøld forða fyri allari koyring í miðbýnum.

Borgarstjórin sigur, at mótmæliskoyringin nú kann sigast at vera ein vandi fyri trygdina í býnum Ottawa, og tí hevur hann valt at lýsa býin í undantaksstøðu.

Er kopiera
Nýggjastu sendingar í ÚV
Hósdag 29. mai
RagnarRokk 29.mai 2025
191805
Hósdag 29. mai
Guðstænasta úr Eiðis kirkju
192550
Hósdag 29. mai
Morgunlestur hósdagur 29.mai 2025
192275
Nýggjastu sendingar í SV
Hósdag 29. mai
Andakt við Pól Johannesen
192558
Hósdag 29. mai
Guðstænasta úr Eiðis kirkju
192552
Mikudag 28. mai
Ein dagur í Nuuk - teknmálstulkað
192506
Mikudag 28. mai
Dagur og vika - teknmálstulkað
192491
Týsdag 27. mai
Veðrið
192469