Korona: Eingin vandi á ferð

Í gjár vóru seks fólk innløgd vegna koronu, fimm á koronudeildini í Havn og eitt á Tvøroyri.

13 fólk vóru innløgd við koronu í gjár, harav seks teirra vóru innløgd vegna koronu.

Men eingin vandi er á ferð í Sjúkrahúsverkinum, verður sagt haðani. Heldur ikki, tí nógv starvsfólk hava koronu. 

Kunna landsstýrið

Men kemur Sjúkrahúsverkið undir trýst, fær landsstýrið tað at vita. Á koronudeildinu eru átta pláss.

354 nýggir koronutilburðir vóru staðfestir í gjár, tá bara 779 kanningar vóru gjørdar. Góð 45 prosent av royndunum vóru positiv.

Í løtuni eru 4.736 fólk smittað. 24.360 hava havt ella hava koronu í Føroyum.

760.000 kanningar eru nú gjørdar.