Eingin sáttmáli enn gjørdur um bergholið til Fámjins

Hóast tvey tilboð eru lægri enn játtaðu pengarnir, er sáttmáli ikki gjørdur enn um bergholið til Fámjins.

Løgtingið hevur játtað 169 milliónir krónur til at gera berhol millum Ørðavík og Fámjin.

Trý tilboð komu hálvan desember.

J&K Petersen bjóðaðu 155,5 mió. kr., Articon: 157,6 milliónir og MT Højgaard 218,7 mió. kr.

Landsverk segði tá, hálvan desember, at væntandi verður klárt at gera sáttmála um arbeiðið fyrst í hesum árinum.

Fámjinstunnil, berghol til Fámjins

Skal vera liðugt í 2024

Bergholið 1,2 kilometrar langt og 8,5 metrar breitt.

Harafturat skulu gerast vegir, ein kilometur í Ørðavík og 400 metrar í Fámjin. 

Bergholið skal vera liðugt í 2023 ella 2024.