Grønland bíðar eftir talgildari tinglýsing

Tað gongur helst long tíð, til tinglýsingin í Grønlandi verður talgild. 

Orsøkin er ES, sum heldur, at Grønland er eitt ótrygt triðjaland í persónsdátuviðurskiftum, skrivar Semitsiaq.

Í hoyring, sum Grønlandsnevndin í Fólkatinginum skipaði fyri 9. februar, kom fram, at sambært ES-reglum, er loyvt at senda dátur til Rumenia, men ikki til Grønlands.

Tað eru serliga grønlendskir ognarseljarar og bankar, sum vilja hava tinglýsingina talgilda, og politikarar í danska Fólkatinginum taka undir við tí, skrivar blaðið.