Eingin avgerð tikin um skaðanevnd

Eingin avgerð er tikin um eina skaðanevnd fyri ferðsluna í Føroyum.

Men hugsað verður um at kanna tørvin, og hvussu eitt tílíkt arbeiði møguliga kann verða skipað.

Tað stendur í svarinum, sum Rósa Samuelsen, løgtingskvinna, hevur fingið.

Hon spurdi Jørgen Niclasen, landsstýrismann, og Bárður á Steig Nielsen, løgmaður, hevur nú svarað.

Ráðið fyri ferðslutrygd vil hava eina skaðanevnd.Og í ferðslutrygdarætlanini fyri 2019 til 2027 er tilmæli um slíka nevnd. 

Hava kannað vanlukkur

Løgmaður sigur, at seinastu nógvu árini hava avvarðandi myndugleikar, Akstovan, politiið og Landsverk, kannað allar álvarsligar ferðsluvanlukkur.

Ráðið fyri ferðslutrygd ger fyribyrgjandi og upplýsandi arbeiðið.

Rósa Samuelsen spurdi eisini um seyðin við landsvegirnar.

Svarið er, at tað kostar eina millión krónur at stika hvønn kilometur.