Eingir fundir í Arktiska ráðnum

Fyribils vera eingir fundir í Arktiska ráðnum.

Orsøkin er russiska innrásin í Ukraina, upplýsir danska uttanríkisráðið.

Russland hevur formansskapin í Arktiska ráðnum.

- Óprovokeraða álopið hjá Putin á Ukraina fær eisini avleiðingar fyri samstarvið í Arktiska ráðnum, har Russland í løtuni hevur formansskapið, sigur danski uttanríkisráðharrin, Jeppe Kofod, við grønlendsku heimasíðuna Sermitsiaq.gl.

- Í tøttum samstarvi við Føroyar og Grønland, er Danmark og hini seks limalondini í Arktiska ráðnum - tó ikki Russland, vorðin samd um, at hava pausu í arbeiðnum í eina tíð og eingir fundir verða heldur, sigur Kofod við Sermitsiaq.