Nýggjur kommunulækni í Skálafjarðar læknadømi

Eyð Tausen Magnussen er sett í starv sum kommunulækni í Skálafjarðar læknadømi, upplýsir Heilsutrygd.

Hon tók embætisprógv í læknafrøði í januar 2012, og fekk serlæknagóðkenning í almennum medisini 1. november fjør.

Eyð Tausen Magnussen arbeiddi tveir mánaðir í Lækahúsinum í Hoyvík, áðrenn hon var sett sum avloysari í viðtaluni, sum Kári Rasmussen hevur arbeitt í í mong ár, og sum hon nú tekur við.

Eyð Tausen Magnussen tekur við starvinum í Heilsudeplinum við Skálafjørðin 1. apríl.