81 menn eru avrættaðir um vikuskiftið

81 menn eru avrættaðir um vikuskiftið
Talan er um eina stóra hækking í talinum av avrættingum, tí alt árið í fjør vórðu 67 avrættingar framdar í Saudi Arabia, og í 2020 vóru tær 27 í tali
 
13.03.2022 - 13:58


Saudi Arabia hevur um vikuskiftið avrættað 81 menn, harímillum sjey menn úr Jemen og ein úr Sýria. Menninir vóru ákærdir fyri eitt nú yvirgang og frávíkjandi sannføringar, sum sagt verður.

Hetta skrivar almenna saudiska tíðindastovan SPA sambært The Guardian.

Talan er um eina stóra hækking í talinum av avrættingum, tí alt árið í fjør vórðu 67 avrættingar framdar í Saudi Arabia, og í 2020 vóru tær 27 í tali.

"Hesir persónarnir vórðu dømdir fyri ymisk brotsverk, millum annað fyri at myrða ósekar menn, kvinnur og børn," endurgevur SPA saudiska innanríkisráðið fyri at siga.

Saudi Arabia hevur í nógv ár fingið átalur frá altjóða samfelagnum fyri at fara lætt um mannarættindi, men saudisku myndugleikarnir afturvísa atfinningunum. Sagt verður, at teir ákærdu, sum vórðu avrættaðir um vikuskiftið, allir fingu rætt til ein sakførara, og at teirra borgararættindi vóru tryggjað undir allari rættargongdini.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592