Korona forðaði ikki fólki at fara til lækna

Færri fráboðanir vóru um krabbamein í øllum norðurlondum tíðliga undir koronufarsóttini, tó ikki í Føroyum.

Tað vísir ein nýggj kanning, sum Marnar Fríðheim Kristiansen, ph.d á deildini fyri heilsu- og sjúkrarøktarfrøði á Fróðskaparsetrinum, er partur av. 

- Fáu koronutilburðirnir í Føroyum, tá farsóttin fór at ganga, hava gjørt sítt til, at fólk ikki hava aftrað seg við at fara til lækna, sigur Marnar Fríðheim Kristiansen: 

Kanningin er ein samanbering av krabbameinsfráboðanum til ymsu skráirnar í norðurlondum í 2020. 

Fæstu fráboðanirnar vóru í Svøríki. Har var talið av nýggjum krabbameinstilburðum í mai 2020 31 prosent minni, enn sama mánað 2019.

- Úrslitini vísa eina góða javnvág millum avmarkingar og atgongd til viðgerð í Føroyum, sigur Marnar Fríðheim Kristiansen: