Fasti gerðarrættur viðger trætu um starvsfólk í Familjufyrsitingini

04.05.2022 - 08:24
AktueltSamfelag
Fasti gerðarrættur viðger trætu um starvsfólk í Familjufyrsitingini
Starvsfelagið sigur, at starvsfólkini í Familjufyrisitingini hava verri sømdir nú, tey eru yvirtikin
Starvsfelagið vil hava Fíggjarmálaráðið at viðurkenna, at fólkini í Familjufyrisitingini skulu lønast við persónligari flokking sambært lønartalvuni í galdandi sáttmála millum partarnar.
 

Fríggjadagin fer Fasti gerðarrættur at viðgera trætuna millum Starvsfelagið og Fíggjarmálaráðið um tey, sum arbeiða í Familjufyrisitingini.

Starvsfelagið vil hava Fíggjarmálaráðið at viðurkenna, at limir hjá Starvsfelagnum, sum arbeiða hjá Familjufyrisitingini, skulu lønast við persónligari flokking sambært lønartalvuni í sáttmálanum.

Frammanundan hevur Fasti gerðarrættur avgjørt, at Semingsstovnurin skal ikki upp í hesa ósemjuna.

Tað var í juni í fjør.

Starvsfelagið helt uppá, at Semingsstovnurin hevur heimild til at royna semju.

Tað helt Semingsstovnurin ikki, og tað heldur Fasti gerðarrættur heldur ikki.

 

Verri sømdir

Fólkini í Familjufyrisitingini eru flutt úr donskum fakfelagi í Starvsfelagið.

Starvsfelagið sigur, at tey hava verri sømdir nú, tey eru yvirtikin.

Fasti gerðarrættur helt ikki tá í fjør summar, at Starvsfelagið hevur gjørt sannlíkt ella prógvað, at størvini í Familjufyrisitingini ikki eru sum onnur størv, sum eru í sáttmálanum hjá Starvsfelagnum.

Størvini eru longu í sáttmálanum hjá Starvsfelagnum, segði Fasti gerðarrættur.

 

Almennur fundur

Nú vil Starvsfelagið hava Fíggjarmálaráðið at viðurkenna, at fólkini í Familjufyrisitingini skulu lønast við persónligari flokking sambært lønartalvuni í galdandi sáttmála millum partarnar.

Úrskurðarfundurin fríggjadagin er almennur.

Hann byrjar klokkan tíggju í skúlastovuni hjá ALS á Tinghúsvegnum í Havn.

Er kopiera
Nýggjastu sendingar í ÚV
Mánadag 26. september
Við Tórði á túri at reka í Lítlu Dímun
145338
Mánadag 26. september
Norðurljóð 26.september 2022
144480
Mánadag 26. september
Eitt deiligt punktum
145314
Mánadag 26. september
Mono - Dávidssálmar (3:5)
145305
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955