Hava gjørt verjuavtalu fyri 1,5 milliardir kr.

Danmark og Grønland hava gjørt eina verjuavtalu, sum kostar hálvaaðru milliard krónur.

Hon hevur verið leingi ávegis, tí uppskotið um hana var kunngjørt í fólkatinginum í februar í fjør.

Men grønlendska landsstýrið vildi ikki góðtaka uppskotið uttan nakað.

Nú er orðið "forsvar", verja, ikki longur í heitinum um útbúgvingina í Kangerlussuaq. 

Tvær dronur

Í avtaluni eru millum annað tvær dronur, sum skulu hava eftirlit við Arktis. Tær kosta 750 mió. kr. 

Og Grønland fær 50 mió. kr. til eina útbúgving. Hon er nú meira ætlað sum tilbúgving enn sum verja, sum ætlanin upprunaliga var.

Útbúgvingin byrjar næsta ár.

Verjuavtalan, sum nú er gjørd millum Danmark og Grønland, útvegar Grønlandi 20 nýggj arbeiðspláss.