Hagstovan: 58.400 fólk í 2060

Hóast fólkatalið veksur javnt og støðugt, verður ein góð løta til tað fer upp um 60.000.

Ein framrokning, sum er á heimsíðuni hjá Hagstovuni, sigur, at 2060 vera 58.374 fólk í Føroyum.

Framrokningin sigur eisini, at kallkynið framvegis er í meiriluta um 38 ár.

Í 2060 vera 1624 fleiri dreingir og menn enn gentur og kvinnur í Føroyum.

Tá fólkatalið verður framroknað eru føðitíttleikin, deyðstíttleikin, tilflyting og fráflyting síðani 1985 brúkt sum grundarlag.