Fátækraváðin óbroyttur í 2020

Fátækraváðin í Føroyum var tann sami í 2020 sum í 2019, 7,6 prosent.

Hann er tann minsti í Norðurlondum. 

Tað skrivar Hagstovan á heimasíðuni, nú inntøkuviðurskiftini hjá føroyingum eru dagførd.

Fátækraváðin er eitt altjóða mát, sum lýsir fólk við lutfalsliga fæstu nýtslumøguleikum. 

Grundarlagið undir hagtølunum er javnvirðisinntøkan, sum er ein roknað inntøka hjá hvørjum borgara eitt heilt ár. 

Var størri fyrr

Fátækraváðin sigur, hvussu stórur partur hevur eina javnvirðisinntøku, sum er minni enn 60 prosent av miðjavnvirðisinntøkuni.

Fátækraváðin var yvir 10 prosent árini 2013, 2014, 2015 og 2017, tá hann var 10,4 prosent.

Í 2018 var fátækraváðin 9,9 prosent, men hann fall niður i 7,7 prosent í 2019.

Atvoldin til fallið frá 2018 til 2019 var einamest, at aldursbólkurin 67 og eldri, sum í stóran mun var undir markinum, fór fyri ein part upp um markið í 2019, og var har eisini í 2020. 

Í ES er fátækraváðin 16,7 prosent.