Asfaltera nú Sandoyartunnilin

Asfaltera nú Sandoyartunnilin
Koyrandi verður við ársenda í 2023, men enn er ov tíðliga at siga, um sandoyingar fáa eina jólagávu tíðliga næsta ár, sigur stjórin í tunnilsfelagnum
Koyrandi verður í Sandoyartunlinum í seinasta lagi við ársenda í 2023.
Mynd: Savnsmynd  
 
17.06.2022 - 12:52

Arbeiðið í Sandoyartunlinum gongur væl, og tíðarætlanin heldur.

- Upprunaliga var ætlanin, at tunnilin skuldi verða liðugur við ársenda í 2023, og tað verður hann eisini, sigur Teitur Samuelsen, stjóri í P/F Eystur- og Sandoyartunlum.

Arbeiðið í Sandoyartunlinum hevur verið fleiri mánaðir framman fyri tíðarætlanina, men tað er als ikki vist, at fólk í Sandoy fáa eina jólagávu tíðliga næsta ár, hóast alt.

- Feløgini, sum hava tær ymisku arbeiðstøkurnar, hava ymiskar tíðarfreistir, og tær freistirnar hava vit onga ávirkan á, sigur Teitur Samuelsen.

 

Asfaltera í tunlinum 

Sandoyartunnilin verður nú asfalteraður. Tveir kilometrar eru eftir at asfaltera, og tunnilin verður væntandi liðugt asfalteraður hálvan juli, ella í seinasta lagi á ólavsøku.

Í løtuni verður arbeitt við at leiða vatn burtur frá koyribreytini, og tað er eitt drúgt arbeiði, sum tekur nógvar mánaðir, sigur Teitur Samuelsen, stjóri.

Tunnilsmunnin Streymoyarmegin er mest sum liðugur, og nú verður farið í holt við at gera tunnilsmunnan Sandoyarmegin, í Traðardali.

Sandoyartunnilin er 10,8 kilometrar langur, og sostatt tann longsti í landinum. Kostnaðurin er mettur til 1,3 milliardir krónur.

Mett verður, at 300 - 400 bilar fara at koyra ígjøgnum tunnilin um samdøgrið.

Er kopiera
Nýggjastu sendingar í ÚV
Mánadag 22. juli
Morgunlestur mánadagur 22. juli 2024
177839
Sunnudag 21. juli
Guðstænasta send úr Fjósinum á G
178281
Leygardag 20. juli
Morgunlestur leygardagur 20. juli 2024
177838
Fríggjadag 19. juli
Morgunlestur fríggjadagur 19. juli 2024
177837
Nýggjastu sendingar í SV
Fríggjadag 19. juli
Veðrið
178247
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016