Partrolararnir smáligan fiskiskap

Tað veit in.fo at siga frá Fiskamarknaði Føroya. Trý trolarapør eru til fiskiskap og koma inn at landa í næstu viku.

Tvey trolarapør eru framvegis á gulllaksaveiði. Bara ein av teimum smáu trolbátunum er til fiskiskap í løtuni, men ivasamt er, um aðrir fara útaftur fyri ólavsøku.

Av ísfiskalínuskipunum er bara eitt til fiskiskap, og hini loysa væntandi ikki fyrr enn eftir ólavsøku. Seks frystilínuskip eru til fiskiskap, fimm eru undir Føroyum og eitt í altjóða sjógvi, skrivar in.fo.