Soleiðis siglir Herjólfur III

Smyril siglir fríggjakvøldið 19. august seinasta túrin av Havnini og suður á Krambatanga, og morgunin eftir, leygardagin 20. august, byrjar Herjólfur III sína sigling við túri av Krambatanga til Havnar.

Meðan Herjólfur III røkir siglingina fram til fyrst í oktober mánað, siglir hann hvønn dag tríggjar ferðir aftur og fram millum Suðuroynna og Havnina.

Hann loysir á Tvøroyri hvønn morgun klokkan 6, seinnapart klokkan 14 og um kvøldið klokkan 22, og úr Havnini siglir hann klokkan 10 fyrrapart, klokkan 18 um kvøldið og klokkan 2 um náttina. 

Hesa tíðina verða avmarkingar í farmaflutninginum á Suðuroyarleiðini, og komandi dagarnar fer Strandferðslan at kunna um, hvussu farmaflutningurin verður skipaður og hvussu farmabílegging fer fram.

Í sambandi við broyttu ferðaætlanina á Suðuroyarleiðini verða eisini broytingar á bygdaleiðunum 700 og 701, sum koyra í Suðuroynni.