Báðir rógvararnir bjargaðir

18.08.2022 - 15:09
AktueltSamfelag
Báðir rógvararnir bjargaðir
Eftir umstøðunum veit væl við hjá teimum, hóast illveður var á leiðini
MRCC hevur alla tíðina havt samband við bretsku bjargingarmyndugleikarnar, og stutt fyri klokkan 15 fekk MRCC at vita, at báðir rógvararnir vóru bjargaðir.
 

Báðir føroyingarnir, sum róðu úr Miami í USA til Føroya, eru nú bjargaðir umborð á farmaskipið, sum seinastu tímarnar hevur verið hjá teimum vestan fyri Írland.

Eftir umstøðunum veit væl við hjá báðum rógvarunum, hóast illveður var á leiðini. 

Hoyr Hanus Olsen, vakthavandi á MRCC, í útvarpstíðindunum:

 

18082022_MRCC_nytt_til_net

 

Tað var um hálvgum seks tíðina í morgun, at MRCC fekk boð frá rógvarunum, at báturin hevði fingið ein stóran sjógv, og hevði fingið so stóran skaða, at teir vóru farnir av bátinum og í gummibjargingarbátin.

Teir vóru í flótidrakt, og høvdu mat og ein neyðsendara.

Báturin var staddur í bretskum bjargingarøki, og tí setti MRCC Tórshavn seg í samband við UK JRCC, sum tók sær av bjargingingini.

Um middagsleitið var eitt farmaskip á leiðini, har bjargingarbáturin rak fyri vág og vind, og stutt fyri klokkan 15 vóru báðir rógvararnir bjargaðir umborð á farmaskipið. 

Tað var 28. mai, at føroysku rógvararnir tóku fyrsta takið úr Florida við kós móti Føroyum. Teinurin er umleið 4.200 fjórðingar.
 

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753