MFS: Skulu hava lógartryggjaðan rætt til fosturtøku

Tað er brot á mannarættindini, at allar kvinnur í Føroyum ikki hava henda rættin, sigur MFS

Javnan eru kravgongur úti í heimi til frama fyri fría fosturtøku. MFS sigur í yvirlýsing, at vit eiga at fáa fría fosturtøku í Føroyum. (Savnsmynd),

Petur Kristinn Vang

19.08.2022 - 14:21

- MFS góðtekur ikki, at allar kvinnur í Føroyum ikki hava lógartryggjaðan rætt til trygga fosturtøku. Tað er brot á mannarættindini.

Soleiðis skrivar Meginfelag Føroyskra Studenta í nýggjari yvirlýsing um fría fosturtøku í Føroyum.

Herfyri legði MFS seg upp í kjakið um fosturtøku í Føroyum.

Magnus við Streym

Magnus við Streym er forseti í MFS. (Mynd av Facebook-vanga)

Ger mismun

Í nýggjari yvirlýsing skrivar MFS millum annað, at "Galdandi fosturtøkulóg er við til at fremja mismun vegna kyn, og eigur at verða dagførd soleiðis, at fosturtøkan er frí. Tað vil siga, at tað er tann, ið er upp á vegin, ið eigur síðsta orðið."

Kjakið um fosturtøku í Føroyum er eitt viðkvæmt evni, og hóast MFS virkar fyri øll føroysk lesandi, so metir felagið tað ikki vera ein trupulleika, at felagsskapurin leggur seg út í kjakið um fría fosturtøku.

Hoyr innslag í útvarpstíðindunum:

19082022_-_MFS_og_fosturtoka_til_net