Katrin Haraldsen nýggj forkvinna

Samstundis er Tórun Frederiksberg Dalfoss nýggj næstforkvinna.

Hetta er greitt, eftir at felagið í gjár hevði ársaðalfund á Eiði, har bæði formaðurin og næstformaðurin, Krissolvur Johannesen, bóru seg undan afturvali.

Nýggja forkvinnan, Katrin Haraldsen, hevur áður sitið í nevndini í nøkur ár, og hon var eisini millum teirra, ið settu felagið á stovn í 2005.

Hini, sum manna nevndina í Camping.fo, eru Hans Jákup Kollslíð, Magnus Jacob Magnussen og Tummas Heri Thomassen, og tiltakslimir eru Rasmus Petur Tróndheim og nú fráfarni formaðurin, Ivan Skorheim.