Føroysku miðlarnir fáa nú fleiri pengar

Pengarnir skulu koma frá meirvirðisgjaldinum á útlendskum lýsingum og stroymingartænastum.

Bárður á Steig Nielsen, løgmaður, legði dent á týðandi leiklutin hjá miðlunum, tá hann setti stóru miðlaráðstevnuna, sum var í Norðurlandahúsinum 18. august. Løgmaður segði m.a., at miðlarnir eru ein grundleggjandi partur av savningarmegini, rættvísi og trivnaði í føroyska samfelagnum. 

Hoyr stutt brot úr setanarrøðu løgmans her:

Bárður á Steig Nielsen ásannaði, at føroysku miðlarnir eru í tungum sjógvi fíggjarliga. Hann var tí sinnaður at lata meirvirðisgjald fyri útlendskar lýsingar, sum í dag endar í danska landskassanum, koma føroysku miðlunum til góðar:

Jenis av Rana, landsstýrismaður í mentamálum, tók undir við hesum leisti. Í útvarpstíðindunum hóskvøldið 18. august segði hann, at meirvirðisgjaldið fyri stroymingartænastuhald í Føroyum, sum í dag fer í danska landskassan, heldur skal fara til m.a. privatu føroysku miðlarnar og Kringvarpið:

Hoyr alla framløguna hjá Løgmanni niðanfyri: