Vilja hava Putin frá

18 russiskir politikarar úr ymsum økjum við Moskva og Sankta Pætursborg hava skrivað undir eitt bræv, har teir heita á Vladimir Putin, forseta, um at leggja frá sær.

Tað skrivar ein av politikarunum, Ksenia Thorstrøm, á Twitter. Hon er kommunalpolitikari í einum øki við Sankta Pætursborg.

- Tíni sjónarmið og tín háttur at leiða landið er avoldaður og forðar fyri menning av russiska fólkinum.

Boðini koma eftir, at fyrstu økis- og kommunuvalini hava verið í Russlandi, síðani innrásin í Ukraina byrjaði.

Tey, sum halda við Kreml og Putin, vunnu stórsigur á valunum, skrivar CNN.