Gjaldið úr Samhaldsfasta hækkar 115 kr. á nýggjárinum

Gjaldið úr Arbeiðsmarknaðareftirlønargrunninum hækkar 115 kr. um mánaðin 1. januar 2023. Hækkingin er 1,9 prosent.

Tað boðar stýrið fyri Samhaldsfasta, sum grunnurin vanliga verður nevndur, frá.

Gjaldið úr Samhaldsfasta hækkar úr 5.955 kr. upp í 6.070 kr. um mánaðin í 2023. Samlaða eftirlønin úr Samhaldsfasta næsta ár verður 72.840 kr. 

Lógin um Arbeiðsmarknaðareftirlønargrunnin ásetir, at stýrið fyri grunnin skal áseta útgjaldið í seinasta lagi 1. oktober fyri álmanakkaárið eftir.

Í 2021 vóru útgoldnar 628 mió. kr. í eftirlønum úr AMEG. Útgjaldið í ár er mett til umleið 647 mió. kr. mió. kr., og næsta ár verður tað 675 mió. kr.