Rýma undan ódn í Florida

Meira enn 2,5 milliónir fólk í Florida hava fingið boð um at rýma undan ódnini Ian, sum týsdagin oyðilegði alla streymveiting í Kuba. 

Ódnin er nú á veg til Florida og kemur inn yvir landið næsta samdøgrið.

Streymveitingin í Kuba fór av ódnini, og øll oyggin misti streymin, upplýsa kubanskir myndugleikar.

Í fráboðan stendur, at arbeitt hevur verið í alla nátt fyri at fáa streymin aftur.

Ódn á veg til Florida

Ódnin hevur nú kós móti Florida. (Mynd: Ritzau Scanpix)

Á triðja stigi

Tá ódnin kom inn yvir land, var hon á triðja ódnarstigi. Túsundtals fólk rýmdu frá húsi og heimi, og onnur vóru flýdd, áðrenn ódnin kom. Nógv avfall var í ódnini, sum elvdi til vatnflóð.

Tvey fólk hava latið lív, sigur danska kringvarpið. Vatnflóð er nógvastaðni, og hús hava fingið skaða.

Ódnin er nú á veg móti Tampa Bay-økinum í Florida og er á fjórða ódnarstigi. Væntað verður, at vindmegin kann koma upp í 58 metrar um sekundið.

Ódnin Ian sigst vera ein av teimum harðastu, ið rakar hetta økið í Florida.