Føroyar varðveita somu kredittmeting

Føroyar varðveita somu kredittmeting hjá ratingfyritøkuni Moody´s.

Tað boðar Landsbankin frá.

Føroyar hava triðhægstu meting á ratingstiganum, sum hevur tilsamans 21 stig.

Kredittmetingin er Aa2, við støðugum útlitum, og dømi um onnur lond, sum hava hesa metingina, er Frakland.

Lán og skuld

Ratingin sigur, hvussu evnini hjá Føroyum eru at rinda skuld aftur.

 Tað hevur týdning at fáa eitt gott próvtal, tá eitt land skal biðja um lán uttanlands. Próvtalið hevur eisini ávirkan á rentuna, sum landskassin skal rinda fyri lánið. Tess betri próvtal, tess lægri renta, sigur Landsbankin.

Samanumtikið er grundgevingin fyri ratingina millum annað, at:

• Føroyar hava fíggjarligt sjálvræði,
• Føroyar hava eitt stórt minstagjaldføri (3 mia. kr.), sum minkar um endurfíggingarváðan
• at skuldin ikki veksur í ár og næsta ár