150 skip við korni sleppa ikki víðari

150 skip við korni sleppa ikki víðari
Ukrainskir myndugleikar siga, at russar pjaka sær við at kanna skipini
Myndugleikarnir í Ukraina siga, at tað er Russland, sum roynir at forða skipunum at sleppa avstað, tí Russland hevur kravt, at skipini við korni skulu kannast, áðrenn tey sleppa í altjóða sjógv.
Mynd: Ritzau Scanpix  
 
25.10.2022 - 08:50

Hóast avtala er fingin um, at korn kann flytast úr Ukraina til lond kring heimin, so tykist tað at vera torført hjá skipunum at sleppa avstað.

Í løtuni liggja minst 150 skip við Istanbul í Turkalandi, sum eru fermd við korni, men sum ikki sleppa víðari, sigur talsmaðurin hjá ST í økinum, Ismini Palla, sambært Reuters.

Myndugleikarnir í Ukraina siga, at tað er Russland, sum roynir at forða skipunum at sleppa avstað, tí Russland hevur kravt, at skipini við korni skulu kannast, áðrenn tey sleppa í altjóða sjógv. Og sambært ukrainsku myndugleikunum, so pjaka russar sær við at kanna skipini.

- Talan er bert um politikk og einki annað, sigur ein talsmaður fyri ukrainska uttanríkisráðið.

Fyrr í oktober sendi Russland kæru til ST um mannagongdirnar, tá korn skal sendast úr Ukraina gjøgnum Svartahavið.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592