Rindaðu 1,8 milliardir í vinningsbýti í fjør

Í fjør útlutaðu feløg og fyritøkur tilsamans 1,8 milliardir krónur í vinningsbýti.

Tað eru 600 milliónir fleiri enn árið fyri, vísa tøl hjá Hagstovuni.

Feløg, sum eru skrásett í bólkinum "Aling," útlutaðu 335 milliónir krónur í vinningsbýti í fjør.

Hjá feløgum, sum eru skrásett í bólkinum "Matvøruframleiðsla," var vinningsbýtið 395 milliónir, og bólkurin "Heil- og smásøla og umvæling av akførum" útlutaði 445 milliónir krónur í fjør.

Vinningsbýtið er tann parturin av úrsliti felagsins, ið verður fluttur eigarum felagsins.

Meira kann lesast um vinningsbýtið her.

<

&nbs